མིག་སྔའི་གནས་ས། ལྷ་ས་གྲོང་ཁྱེར་མི་དམངས་སྲིད་གཞུང་། / ཆ་འཕྲིན་ཡོངས་བསྒྲགས། /  གསར་འགྱུར་འགུལ་རྣམ།

རིམས་འགོག་ལས་ཀར་འགོག་རྐྱེན་བཟོས་པའི་གྱོད་གཞི་ཐོག་མ་ཁྲིམས་ཐག་བཅད་པ།

ཁྱབ་བསྒྲགས་དུས་ཚོད། 2020-03-09 16:33
ཆ་འཕྲིན་འབྱུང་ཁུངས། བོད་ལྗོངས་ཉིན་རེའི་ཚགས་པར།
ཆེ། འབྲིང་།ཆུང་།

    ལྷ་ས་གྲོང་ཁྱེར་ཁྲེང་ཀོན་ཆུས་མི་དམངས་ཁྲིམས་ཁང་གིས་རྒྱང་ཁྲིད་ཁྲིམས་རའི་འདྲི་གཅོད་མ་ལག་སྤྱད་དེ། ལྷ་ས་གྲོང་ཁྱེར་ཁྲེང་ཀོན་ཆུས་མི་དམངས་ཞིབ་དཔྱོད་ཁང་དང་ལྷ་ས་གྲོང་ཁྱེར་ཉེས་ཅན་དོ་དམ་ཁང་དང་དྲ་སྦྲེལ་བྱས་ནས། ཁྲིམས་བཞིན་མྱུར་ཐག་གཅོད་པའི་བརྒྱུད་རིམ་སྤྱད་དེ་བོད་ཀྱི་རིམས་ནད་སྔོག་འགོག་ཚོད་འཛིན་བྱེད་ཐབས་ལ་འགོག་རྒོལ་བྱས་ནས་གཞུང་དོན་ལ་གནོད་འཚེ་བཟོས་པའི་ཉེས་གསོག་གྱོད་གཞི་ཐོག་མ་ཁྲིམས་ར་འཚོགས་ནས་འདྲི་གཅོད་བྱས་པ་རེད། ཁྲིམས་རའི་ཐོག་ཞུ་སྦྱོར་ཕྱི་མ་ཀྲུའུ་ཆེ་གེ་མོས་གཞུང་དོན་ལ་གནོད་འཚེ་བཟོས་པའི་ཉེས་པ་བསགས་པས། ཟླ་བ་གསུམ་བཀག་ཉར་བྱ་རྒྱུའི་དཔྱད་ཁྲ་ཁྱབ་བསྒྲགས་བྱས་པ་རེད། ཞུ་སྦྱོར་ཕྱི་མས་ཁྲིམས་རའི་ཐོག་ཉེས་པ་ཁས་བླངས་ནས། གོང་གཏུག་བྱེད་ཀྱི་མིན་ཞེས་བཤད་པ་རེད།

    ཟླ་1ཚེས་26ཉིན། ཞུ་སྦྱོར་ཕྱི་མ་ཀྲུའུ་ཆེ་གེ་མོ་ཤིས་ཨན་ནས་གནམ་གྲུ་བསྡད་དེ་ལྷ་སར་ཡོང་བ་དང་། ལྷ་ས་གྲོང་ཁྱེར་གྲྭ་བཞི་ལམ་གྱི་རྒན་ཡོལ་རྟེན་གཞི་ཞིག་ཏུ་ཁང་པ་གཡར་ནས་བསྡད། རིམས་ནད་ཐོན་རིང་གི་དོ་དམ་གཏན་འབེབས་ལ་མ་འདོད་པར། ཁྱིམ་དུ་ལོགས་སུ་བཀར་རིང་། ཁ་རས་མ་བརྒྱབ་པར་ཕྱི་ལ་ཐེངས་མང་བསྐྱོད། ཟླ་2ཚེས་9ཉིན་གྱི་ཆུ་ཚོད་16ཙམ་ལ། མི་དམངས་ཉེན་རྟོག་པ་དང་ཁུལ་ཆུང་ལས་དོན་མི་སྣ་ཁོ་པའི་སྡོད་གནས་སུ་རིམས་ནད་སྔོན་འགོག་གི་འབྲེལ་ཡོད་ལས་དོན་བརྟག་དཔྱད་བྱེད་པར་འགྲོ་སྐབས། ཁོ་པས་གཞོགས་འདེགས་བྱ་རྒྱུ་ལྟ་ཅི། མི་དམངས་ཉེན་རྟོག་པར་འཇིགས་སྣང་ཐེངས་མང་བསྐུལ་བ་མ་ཟད། ཁུལ་ཆུང་གི་བདེ་སྲུང་ཁང་དང་ཉེ་འཁོར་གྱི་ཅ་དངོས་བཅག་སྟེ། རིམས་ནད་སྔོན་འགོག་ཚོད་འཛིན་གྱི་ལས་དོན་རྒྱུན་གཏན་ལྟར་སྤེལ་རྒྱུར་འགོག་རྐྱེན་ཚབས་ཆེན་བཟོས། ཞུ་སྦྱོར་ཕྱི་མ་ཀྲུའུ་ཆེ་གེ་མོས་གཞུང་དོན་ལ་གནོད་འཚེ་བཟོས་པའི་ཉེས་པ་བསགས་རྗེས། ཟླ་2ཚེས་9ཉིན་འཛིན་བཟུང་བཀག་ཉར་དང་། ཟླ་2ཚེས་10ཉིན་སྲིད་འཛིན་བཀག་ཉར་ཉིན་བཅུ། ཟླ་2ཚེས་20ཉིན་ཉེས་དོན་བཀག་ཉར། ཟླ་2ཚེས་22ཉིན་ཁྲིམས་བཞིན་འཛིན་བཟུང་བཅས་བྱས་པ་རེད།

    ལྷ་ས་གྲོང་ཁྱེར་ཁྲེང་ཀོན་ཆུས་མི་དམངས་ཞིབ་དཔྱོད་ཁང་གིས་ཞུ་སྦྱོར་ཕྱི་མ་ཀྲུའུ་ཆེ་གེ་མོས་གཞུང་དོན་ལ་གནོད་འཚེ་བཟོས་པའི་ཉེས་པ་བསགས་པ་གཏན་འཁེལ་བྱས་པ་དང་། ཟླ་3ཚེས་3ཉིན་ཁྲེང་ཀོན་ཆུས་མི་དམངས་ཁྲིམས་ཁང་ལ་གཞུང་གཏུག་བྱས་པ་རེད། ཁྲེང་ཀོན་ཆུས་མི་དམངས་ཁྲིམས་ཁང་གིས་ཁྲིམས་བཞིན་སྔོན་འགོག་ཚོད་འཛིན་དང་ཁྲིམས་སྐྱོང་གི་ལམ་བུའི་ཐོག་སྔོན་འགོག་ཚོད་འཛིན་གྱི་ལས་དོན་ཁག་ལ་སྤྱི་འདོམས་སྐུལ་འདེད་གཏོང་བ་མཐའ་འཁྱོངས་དང་བཅའ་ཁྲིམས་ཀྱི་གཏན་འབེབས་ལ་གཞིགས་ཏེ《ཀྲུང་དབྱང་གི་ཕྱོགས་ཡོངས་ནས་ཁྲིམས་བཞིན་རྒྱལ་ཁབ་སྐྱོང་བའི་ཨུ་ཡོན་ལྷན་ཁང་གི་ཚོགས་འདུ་ཐེངས་གསུམ་པའི་དགོངས་དོན་ལག་བསྟར་དོན་འཁྱོལ་ནན་ཏན་བྱས་ཏེ་ཏོག་གསར་གློ་ཚད་སྔོག་འགོག་ཚོད་འཛིན་རིང་གི་འདྲི་གཅོད་ལག་བསྟར་ལས་དོན་ཡག་པོ་སྒྲུབ་རྒྱུའི་སྐོར་གྱི་ཆེས་མཐོའི་མི་དམངས་ཁྲིམས་ཁང་གི་བརྡ་ཐོ》དང་། 《རིམས་ནད་སྔོན་འགོག་ཚོད་འཛིན་ལས་དོན་ཡག་པོ་སྒྲུབ་རྒྱུའི་སྐོར་གྱི་ཀྲུང་གུང་བོད་རང་སྐྱོང་ལྗོངས་མཐོ་རིམ་མི་དམངས་ཁྲིམས་ཁང་ཏང་ཙུའུ་ཡི་ཛ་དྲག་བརྡ་ཐོ》གྲོང་ཨུད་སྲིད་ཁྲིམས་ཨུ་ལྷན་གྱི《ཏོག་གསར་གློ་ཚད་དང་འབྲེལ་བའི་ཉེས་དོན་གྱོད་གཞི་མཉམ་དུ་སྒྲུབ་རྒྱུའི་སྐོར་གྱི་ལས་དོན་ལམ་སྲོལ》སོགས་མཛུབ་ཁྲིད་བསམ་འཆར་དང་ཟུང་འབྲེལ་བྱས་ཏེ། མགྱོགས་མྱུར་འདྲི་གཅོད་མཐའ་འཁྱོངས་བྱས་ནས་དུས་ཐུང་ཉིན་གསུམ་ནང་གྱོད་གཞི་བདག་སྤྲོད་དང་ཁྲིམས་ར་འཚོགས་ནས་དཔྱད་ཁྲ་ཁྱབ་བསྒྲགས་བྱས་པ་རེད།


འགན་ཁུར་རྩོམ་སྒྲིག བསྟན་ནོར།

བཤེར་ནས་ལག་ཐོགས་ཁ་པར་གྱི་ཁ་ཕྱེ།